اشتقت لك الله العالم

يا مقرب الملتاع من سكرة الموت
خلوني اسمع حسه شوي تكفون
لحظة واخاف تفوت وانفاسي تفوت
قالوا شبيهه قلت ماهو شبيهه
مشتاق والمشتاق ما ينكر الصوت
خلي واميز حس نبرات صوته
اذا نطق بين البشر كلهم سكوت
كيف انكره وانساه وانسى غرامه
واسمه على صدري من الوجد منحوت
فقدي لصوته كل ما جيت بانام
كنه مخلي مرقدي جوف تابوت
ثالث سنه مرت علي من غيابه
وانا حيال الشوق واحلامي تموت
اخر لقى والبرد يومه تكلم
كني مطلع من فمي نشهة اشروت
يوم المطر رده علي وانتحالف
انا احلف وهو يحلف تلبس الكوت
قدامي يوداع قال بسأل وقلي
ترا الشعور يموت لا صار مكبوت
ويش الغلا والمحبة في حياتك
قلت المحبه والغلا الشرب والقوت
قال الوفا طبعي واحب الصراحه
قلت الوفا مرجان والصدق ياقوت
هذاك اخر يوم فيه التقينا
من بعدها لا علم لا حس لا صوت
اهون علي موتي ولا اعيش دونه
ولاني ابقى حي واحس بالموت